الاثنين، 23 فبراير، 2009

أقلام و أقلام

تمر بحياتنا انواع عديدة من الأقلام
فمنها
░◄ أقـــــلام تستحق الإعدام ►░
قلم .. حبره دماء يقتل الناس بالكلام ..!!
قلم .. يكتب لأجل مضرة البشرية وينسى منفعتهم ..
قلم .. يكتب ليكون اسم الناس أشباح لاتعرف الرحمة
قلم .. يكتب أي خبر يسمعه ويطوره بذاته ..!!
قلم .. ريشته حادة من يقرب منها تنزف دمــاً
قلم .. يكتب لجل منصبه وينسى دينه وشرعيته ..
قلم .. لاترى له دموع بل غرور وضحك وكبرياء ..!!
ألا تستحق تلك الأقلام الأعدااام ...؟
░◄ أقـــــلام تنيـر في الظـلام ►░
قلم .. يشقا ويتعب لجل منفعة الناس ومنفعة نفسه ..!!
قلم .. يدمي دما ويبكي شقاء وعناء ليعم العلم المكان
قلم .. يكتب في قواعد دينه ودنيته ويصلح حال أمته ..
قلم .. يكتب من فكره ونزف حروفه بحبره ليمنع الضرر في كل مكان
قلم .. يطوي صفحته لكي لاتنطوي صفحة الزمان ..!!
أليست هذه شموع تنير لنا الظلمات ...؟؟
░◄ أقـــــلام ظلمهـا الزمـان ►░
قلم .. بات الليالي وكتب وهو يعاني وفجأة أخذ تعبه إنسان أناني ...!!
قلم .. حل مشاكل جميع البشرية ومات لأن مشكلته لم تحل ...!!
قلم .. حرقته حرارة الشمس وقاومها وبعد ذالك أخذت صفحته عاصفة مريرة !
قلم .. يكتب الحقيقة والواقع والمصيبة لاتراه بعدها
أليست هذي الأقلام مظلومة في وسط هذا الزمان...؟
.::. ليس كل قلم نافع وليس كل قلم ضار,, فالأقلام بحار لايمحوها أي مدرار
فهناك من يستحق الأعدام وهناك من ينير الظلام..! .::.

الأحد، 22 فبراير، 2009

رسالة خاصة...

((رسالة خاصة ..اليك انت))




دقيقة واحدة جعلتني انجذب اليك..

وساعة واحدة جعلتني اعجب بك..

يوما واحد ووجدتني احبك..

ولكن ..أحتاج الأن الي عمر كامل لكي انساك...




من المحزن في هذه الحياة
أن تلتقي شخصا و يعني لك الكثير ..!
فقط لتكتشف في النهاية...
أن ما بينكما ليس مقدرا له أن يكون
وأن عليك الانسحاب .. !
*****************
إلهي أنت تعلم كيف حالي فهل يا سيّدي فرج قريب

الجمعة، 13 فبراير، 2009

الحكاية أصلها زواج



منذ فتره طويلة لم اضف اى فرسات ..ليس هذا من قلتها ..فما اكثر الفرسات تلك الايام ..فقط رأفة باحوال المفروسين والمفروسات من أصدقائي ...لكن اعذرونى ..الموضوع اللى هكتبه انهارده فرسنى جدا اوى خالص....
يعنى مش قادره احطه فى قلبى واسكت ...لانى ممكن اطق وافرقع ...في حد معين انا عارفاه
هيقول واحنا مالنا المهم ان دمه مش يتحرق فانا بقول من دلوقتي معلش احنا اصحاب فاستحملوني شوية
باختصار كده الموضوع هوه عن بعض الافكار الخاطئه اللى تخص موضوع الزواج ...سواء لدى الشباب او الشابات او الاهل ..وطبعا حتى لا يتهمنى البعض بالتحيز ...ويستدعى منظمة حقوق الانسان ..انا هبدأ بالبنات اليومين دول للاسف موضوع الزواج ده مثار الى ابعد حد ...فى كل جلسه تلاقى الموضوع ده حاشر نفسه كده وانا قاعدة مع اصحابى ..تلاقى الحكايات عن العرسان ومواقفهم العجيبه وانا مع الاقارب .. ..ودى من الحاجات اللى فرسانى بجد من البنات ...مش كل حياة البنت المفروض يبقى محورها الموضوع ده ...بعض البنات بتتعلم ...عشان العريس قبل ما تنزل من البيت تلبس كويس ...عشان يمكن يقابلها العريس تتكلم فى جلسه معينه بطريقه معينه ...يمكن تعجب حد من اللى قاعدين ويبقى العريس.....وغيرها وغيرها (بجد بجد حاجه تفرس )
العجيبه بقى الاهل فى البيت ...بيبقوا غالبا عايزين يوجهوا البنت فى الاتجاه ده وبس (خاصة الام)
*اقلعى النضاره دى وانتى راحه فرح صحبتك ((شكلك فيها زى ابله فضيله )...
*يابنتى حطى شوية بويه على وشك كده بدل ما انتى بهتانه وعدمانه كده ...
*اقلعى الكوتش ده والبسيلك حاجه بكعب كده ذى البنات ...
*تعرفى نفسى افرح بيكى اوى...البنت تستهبل وتقولها (ان شاء الله ياماما اخد ترقية في شغلي قريب)...
تروح الام بصالها بصه عدوانيه وتتنهد تنهيده عميقه وتقولها :ترقية..........طيب
وغيرها بقى من الحاجات اللى تفرس بجد يعنى .....
نيجى بقى لعمو العريس ...او زي ما بسميه (هارون الرشيدى ) فكره غريبه الاطوار اصبحت مسيطره على فكر معظم الشباب وهي :هوه حد لاقى جواز دلوقتى ...ده البنات على قفى من يشيل (اسفه على اللفظ بس هيه بتتقال كده ) ومن هنا تبدأ المأساه ...ليه كل ولد يملك القدره الماديه على الزواج فاكر نفسه ياما هنا ياما هناك ...يعنى جاب الديب من ديله يعنى ..فاكر نفسه هارون الرشيدى ويبتدى بقى يتشرط ...ويتفرج على بنات الناس ويطلع فيهم القطط الفاطسه ...(بجد ..بجد حاجه تفرس ) طيب يمكن الشاب فى الفتره دى مش بيبقى ناضج كفايه ...وعشان كده فرحان بنفسه الاكثر عجبا بقى هما الاهل ...اهل الشاب طبعا كل ام طبعا بتشوف ابنها ملاك ...عملا بالمثل القائل (القرد فى عين والدته غزال)وتلاقيها بقى بتقول جمل شديدة العجب: (هيه يعنى تطول واحد ذى ابنى ...هيه لاقيه جواز ...ده ان ابنى سيد الرجاله .. هيه بس ترفض وان اجيبله ست ستها....) طب بالامانه كده هيه ممكن توافق حد يقول كده على بنتها...اكيد لا طبعا ...طب ليه بقى البهدله فى بنات الناس (بجد ..بجد حاجه تفرس )
حاجه كمان بقى يتفرسنى اكتر من الشباب ...التغير الشديد المفاجىء فى المعامله بعد كتب الكتاب ..او بعد فتره طويله من الخطوبه بعد ما كان بيتصل ..بقى مقضيها رنات ..وبعد الرنات بقى مقضيها طناش (هيه بقى اللى ترن) بعد انا تحت امرك يا عمى ..وكل طلباتك اوامر .....مش هجيب كذا اصلى مش هقدر ولو مش عاجبك بنتك عندك (اشربها) بعد الرومانسيه والورد وعيد الحب ...بقى فى مشكله كل يوم وخاصة كل عيد ام (مجبتيش هديه ليه لماما..حماتها يعنى)الغريبه انى مش لاقيه للموضوع ده تفسير يعنى المفروض انها بتزداد غلاوه فى قلبه مش تقل ولا يعنى عشان هيه
خلاص بقت تحت ايده ولا يمكن بيحاول يدبح لها القطه من اولها !!!
ملحوظة مهمة جدا الكلام اللى كتبته في البوست ده حصل فعلا وبجد مسجلاها صوت بس من غير صورة ...
فى النهايه عايزه اقول الزواج مودة ورحمة مش حرب دخلينها وزي ما هو ارتباط لأتنين فهو ارتباط لعائلتين وزي ما كل أم بنتها غاليه عندها فكل شاب برضه غالي عند اهله
دمتم طيبين ومن غير اي فرسة
(:

الثلاثاء، 10 فبراير، 2009

صور حفلة توقيع ساديزم --------- محمد الغزالي

أمبارح كان توقيع كتاب ساديزم
لأخي العزيز جدا محمد الغزالي
في مكتبة ديوان في مصر الجديدة
اليوم كان ممتع جدا
أسرة محمد حضرت معاه التوقيع
وحضر عدد كبير من المدونين
منهم
كما حضرت السيدة زوجته
والبنوتة القمر آبي
وبالتأكيد حضر
وكمان حضرت 
وطبعا كان متواجد
وكمان أتعرفت علي
أستاذ محمد حسن مرسي
*
*
*
أسيبكم مع الصور
 محمد بيوقع علي الكتاب
من اليمين تامر فتحي و ابراهيم عادلو الغزالي ومهنا
تامر و الصباغ والغزالي ومهنا
الصباغ و مهنا
*
*
*
باقي الصور علي الفيس بووك
أتمني لكم وقت ممتع

حفلة توقيع ساديزم