تحديث هام:
عشان خاطر القمر
امبارح لما كنا في زيارة مستشفي الأطفال حدث موقف طريف جدا بيني
وبين شيماء سمير(زهرة) ولان أحنا الأتنين زهرة كان اللي ينادي ويقول يا زهرة
أحنا الأتنين بنرد في نفس الوقت
وعشان ميحصلش غلط تاني هرجع لأسمي اللي أشتهرت بيه وسط أصحابي
وهو زهرة الجنة وليس زهرة فقط
وعشان خاطرك يا زهرتي انا رجعت لأسمي القديم
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
انهاردة مفيش فرسة خااااالص ..طبعا هتسألوا ليه؟؟؟
لان أنهاردة قضيت يوم حلو جداااااا مع اغلبية المدونين في مستشفي أبو الريش للأطفال
بجد اليوم كان حلو جدا ورائع ..قابلت ناس كتير وأتعرفت عليهم
* أستاذ ابو خالد .. فرحت جدا أني قابلتة لاني كان نفسي أشوفة من زماان
* أخي شريف صاحب مدونة ليل القاهرة ..أتشرفت بالتعرف عليه
* أحمد الصباغ .. فضل طول الوقت ياخد صور للمدونين ..أسعدني مقابلته
* داليا صاحبة قوس قزح وكمان Appy ..كانوا شعلة نشاط بجد جزاهم الله كل خير
* صديقتي العزيزة نونا .. كان وجودها مفجأه بالنسبة لي وبجد أسعدني تواجدها جدا
* صديقتي الجميلة همس..بالرغم من أنك خضتيني انهاردة اول ما شوفتك لكن فرحت جدا بالمقابلة دي
* محمد الغزالي.. انبسطت بحضورك للمستشفي اليوم
* رشا ونرمين .. بجد بجد أتشرفت بمعرفتكم اتمني اشوفكم مرة تانية
* جنة ..أتشرفت جدا بمعرفتك بالرغم من أني قضيت وقت قليل جدا معاكي
* سو .. ما شاء الله نشاطه كان واضح جدا جزاه الله كل خير
* المفقوعة مرارتها..أسعدني التعرف بيك للغاية وفي تواصل دائم
أما المفاجأة بجد واللي مكنتش متوقعاها
* شيماء سمير .. بجد ياقمر مكنتش متوقعة أشوفك أنهارة ..فرحت جدا لما شوفتك وأتمني أقابلك مرة تانية
***********************************
** طبعا في ناس كتير مقدرتش اتعرف عليهم لكن بجد التواجد ده كان هايل وأتمني دايما يزيد ويكون علي طول مش يوم واحد في السنة وبس
** وبرضه في ناس اتكلمت معاهم بس مش عرفت أسمهم وفرحت جدا من كلامي معاهم
** وناس اتمنيت التعرف عليهم لكن الوقت والزحمة مش ساعدوني علي كده
********************************
* أتمنيت ان في ناس تحضر لكن للأسف الوقت مساعدهمش ..ربنا يعينهم علي مشاغلهم
وأسفة لو كنت نسيت أي شخص من الحضور
وأتمني دايما أننا نجتمع علي الخير وجزاكم الله كل خير علي أعمالكم
وكل سنة وأنتم طيبين
هناك 36 تعليقًا:
بجد انا اللى مفروسة
كان نفسى اجى بس الظروف ما ساعدتش:((((((
عموما جزاكم الله خير على اللى عملتوا النهاردة
وربنا يجعله فى ميزان حسناتكم
ان شاء الله
تحياتى
جمعكم الله على الخير دوما
وجعل عملكم لوجهه تعالى
وحبكم لبعضكم في الله و لله
السلام عليكم
اولاً اتمنى انك بخير ..
ثانياً الحمدلله انك اليوم مش مفروسه :)
ثالثاً بصراحه عيشتينا في جو حميمي جداً .. وهذا شيء رائع الله يجمعكم جميعاً في الخير دايماً تحياتي لكِ ولك اللي كانو متواجدين في المستشفى
في امان الله
كان نفسنا نروح ونتعرف عليكم بجد بس للاسف انتم عارفين وقت رمضان والعزايم الكتير اللى فيه
بس انتى نقلتى كل شىء
كل سنة وانتى طيبة
وانا زي برنيس مفروس عشان انا من السودان مش اهقدر طبعا جيه بعادين بنت همس عملت ايه عملت ايه انا عارفه عليه عفاريت هههههههههههه انا شوفتها رمضان فالت ماشاءالله زي عسل
هوه انتو يعني ماتفتكروناش الا في الفرسة وحرقة الدم وفي عمل الخير تنسونا
على العموم جزاكم الله كل خير وربنا يجعله في ميزان حسناتكم
بس ممكن بوست بالتفاصيل علشان يتحرق دمنا أكتر :)
تحياتي
و اللهى يا زهرة انا مبسوطة انى اتعرفت عليكى
انا اول ما روحت بقيت كل شوية حد يعرف زهرة يا جماعة هى قالت انها جاية يقولوا زهرة مين اقولهم واحد مفروسة لغاية لما لقيت القمر واقف قدامنا و اتعرف عليكى يا اجمل زهرة
بجد اليوم كان جميل جدا و يا رايتك كنتى كملتى بقيت اليوم ماشاء الله الصحبة كانت جميلة و الواحد اتعرف على ناس ماشاء الله
المرة الجاية باذن الله نقدر نقعد مع بعض وقت اطول
و يا استاذ مصرى مش انت فى الغربة كنت هتيجى ازاى المرة الجاية تشرفنا انت و العائلة كلها باذن الله
للاسف
ماسعدنيش الحظ
انى اتعرف ع حضرتك
فى لقاءات تانى ان شاء الله
احمد
كنتى منورة يا زهرة بجد ..وكان يوم جميل..سعدت برؤيكى
الجميلة زهرة
انا رشا اللي كنت مع نرمين
بجد انتي جميلة جدا
انا اسعد بمعرفتك والتعرف عليكي يا حبيبتي
ومعذرة لما كنت أعانيه من العتب صرفني عن الاستمتاع معك بشكل أجمل
ولكني سعيدة بمعرفتك ، ويضحكتك الجميلة
وأحب أن أقول لك
إني أحبك في الله
مع السلامة يا حبيبتي
أهلا برنسيس
بعد الشر عنك من الفرسة (((:
ان شاء الله المرة الجاية تكوني معانا
تحياتي ليكي يا قمر
******************************
الحكمة ضالة المؤمن
بارك الله بك وتقبل منا ومنك صالح الأعمال
تحياتي لشخصكم الكريم
وعليكم السلام ورحمة الله
أذيك علي
انا الحمدلله بخير بفضل من الله
أتمني تكون بخير
بالنسبة للفرسة انا قلت أخد أجازة منها شوية ((:
واليوم فعلا كان رائع والحمدلله
وكنا نتمني تكون معانا
تحياتي ليك
*************************
وانتي طيبة يا شفقة
وان شاء الله المرة اللي جاية تكونوا معانا
هسعد كتير جدا بالتعرف عليكم
تحياتي لكي
****************************
أهلا عاشقة
لا مش تتفرسي احنا عارفين لو كنتي بمصر كنتي جيتي
وهمس زي العسل جدا والله جننتني ههههه
ولد مصري
والله مش اقصد افرسك واحرق دمك D:
وأكيد والله مش نسينك فب الخير
لكن أحنا عارفين ظروفك وربنا يعينك
وأكيد لو تقدر مكنتش هتتأخر
أحنا طبعا مش نقدر نحرق دمك خالص ((:
ربنا يتقبل منك كل عمل خير
تحياتي لك
صديقتي العزيزة جداا نونا
انا كمان أنبسط جدا بالتعرف عليكي
ومش صدقت اني شوفتك حتي الأن
فعلا الحمدلله اليوم مر حلو جدااا
صدقيني لو كنت أعرف أنك جاية كنت عملت حسابي أكمل اليوم كله
أن شاء الله المرة الجاية اكيد هنقعد مع بعض أكتر
تحياتي ليكي يا قمر
احمد سكر
صدقني مكنتش اعرف انك موجود
لو كنت أعرف كان أسعدني الحظ وكنت اتعرفت عليك
أن شاء الله يسعدني الحظ في المرات المقبلة
تحياتي لك
الغزالي
النور كان بوجودك أنت وكل المدونين
سعدت جدا اجدا برؤياك
تحياتي لشخصك الرائع
اول ما قرأت اسم فنووون توقعت أنه أكيد أنتي
بجد والله أفتقدت أنتي ونرمين وشوشو جدااا
وأتمني تكوني وصلتي البيت قبل الفطار
أعانك الله
احبك الذي أحببتني فيه
أتمني أن اسمع عنك كل خير
بخ عوووووووو
على اساس انى خضيتك يعنى
ماشى يا قمر
بجد بجد اتشرفت بيك
واناباه حكيت على تعارفنا بالتفصيل
تعالى شوفى بنفسك
مستنياكى
زهرتي زهرة الجنة
ــــــــــــــــ
حبيبتي
انا من شرفت بالتعرف عليكي
وسررت كثيرا لمقابلة مث هذا الوجه البرئ المليئ بالطفولة والخجل والجمال الجميل ...
كان يوم جميل جدا
واتمني يتكرر تاني بإذن الله
أحبك في الله يا حبيبتي
hello
ur blog is pretty good
يا رتنى كنت معاكو بس منه للله احمد صباغ
دنىلا اما اشوفه هموتةةةةةةةةةةةةةةةةةةةةةةةةةةةةةةةةةةة
بس هاجى المرة الجاية انشاء الله
اتمنى نكون اصدقاء
سلام
بجد كان نفسى اكون معاكم فى اليوم دة
ياريت تكرروا اليوم تانى عشان اقدر اجى
كل سنة وانتو طيبين
يامامي
ههههههه
اهلا هموسة
افتقدتك جداااااااا
تفاصيل ايه انتي لازم تسيحي لينا علي النت
هههه
عزيزتي نرمين
أفتقدك جدا انتي ورشا وشيماء
وانا كمان نفسي اليوم ده يتكرر تاني
وسعيدة جدا اني قابتلكم
تحياتي ليكي يا قمر
أهلا حسام
شكرا علي ذوقك
المدونة جميلة بيكم انتم
وان شاء الله المرة اللي جاية تكون معانا
simple girl
ان شاء الله المرة الجاية تكوني معانا
اتشرفت بمرورك بمدونتي
ازيك يا قمر
بجد اليوم كان اكثر من رائع
ان شاء الله نكرره قريب
وكمان نقدر نقعد مع بعض اكتر
على فكرة انا اتبسطت قوووووي
انك حاطه اسمي في المدونات اللي بتحبي تزوريها
عشان كده سامحتك انك ماجبتيش سيرتي في البوست
:))
كل سنة وانتي بألف خير
يارب متجمعين دائما فى الخير
وان شاء الله المرة الجاية يكون لى شرف التعرف عليكى
تحياتى لزهرة الجنة
انا من يومها عاملة الف علشان اعرف البنوتة اللى كانت قاعدة تفطر معايا مدونتها فين
و اخيرا لاقيتها
انا سعيدة جدا انى اتعرفت عليكى
معلش الوقت كان ضيق مقدرناش نتكلم كتير
بس على الاقل اسعدنى حظى انك كنت قدامى وقت الفطار :)
ياااااااه شكلها كدا فاتنا حاجات كتييير يا ريت تبقوا تقولولنا مواعيد الحاجات دي
المهم كل سنة وانتي طيبة يا زهرة الجنة"زهرة سابقا وحاليا ومستقبلا...ولن تمت
تحياتي ليكي وللي حواليكي
حبيبتى ميرسي لكلامك واسفه انى مقدرتش ارحب بيكي كتير اسفه بس انتى كنتى شايفه اليوم عامل ازاي والله من غيركوا ما كان هينجح ربنا يجعله فى ميزان حسناتك يا رب
وزة حبيبتي
والله وحشتيني جدااا
ونفسي اشوفكم كلكم تاني
ومعلش حبيبتي جل من لا يسهو
كل سنة وانت طيبة وعيد سعيد عليكي
تحياتي لأحلي نهر
ان شاء الله نكون سوا في كل مرة
وسعيدة جدا بالتعرف عليكي
عزيزتي داليا
انا كمان سعيدة جدااا بالتعرف عليكي
وكل سنة ان شاء الله نجتمع علي الخير
وربنا يبارك لكم علي المجهود الرائع اللي عملتوه انتي وخالد وآبي
المتبهدلون في الأرض
تحياتي ليك وسعدت بمرورك
وان شاء الله السنة اللي جاية تكون معانا
عزيزتي آبي
ربنا يبارك لكم علي مجهودكم وفعلا اليوم رائع
وان شاء الله نلتقي كل سنة علي خير
ما شاء الله
ربنا يتقبل منكم صالح الاعمال
ويجمعكم علي الخير دائما
ويجمعكم تحت ظل العرش ان شاء الله
غربتي
إرسال تعليق