الاثنين، 19 يناير 2009

تاج وصلني بالبريد السريع



التاج ده وصلني من صديق عزيز جدا وهو د/ محمد الجوهري


هو صحيح حطني في مأزق الا اني مقدرش ازعله وهجاوب


علي كل أسئلة التاج




السؤال الأول: إذكر ستة أسرار ا يكتشفها من يقابلك لأول مرة؟؟


من اراء بعض الناس


1: صريحة جدا لدرجة الرخامة


2: بشوشة ومبتسمة علي طول (بالرغم من ان ده بيضايق ناس..)


3:مستمعه جيدة للغاية


4: طيبة (البعض بيقول لدرجة الهبل )


5:بحب تكوين الصداقات


6: بحب الفيشار وعصير البرتقال جدااااا


السؤال الثاني: سبع حاجات نفسك تعملهم؟؟


1: أطلع بابا وماما الحج وطبعا اكون معاهم


2:أبني مسجد وأسميه مسجد عمر بن الخطاب


3:أكفل طفل يتيم


4:أنجح في شغلي


5:أشتري عربية صغنونة


6:أقابل أنسان طيب وارتبط بيه


7:ربنا يرزقني بولد وأسميه عمر

السؤال الثالث: سبع حاجات معرفتش تعملهم؟؟


1: القدرة علي اني ارجع ارسم تاني( أخر مرة للرسم من 5سنوات)


2:معرفتش أحافظ علي مشاعر غاليه عندي


3: معرفتش أكمل شغل في مستشفي استثماري بسبب كثرة حالات الوفاة


4: معرفتش اكون منافقة وخسرت شخصية كنت باعتبارها مقربة مني


5: معرفتش اتعلم صيانه الكمبيوتر الهاردوير


6: معرفتش اكمل دراسة للحصول علي الماستر (بسبب شغلي)


7:معرفتش الاقي كتاب لمصطفي صادق الرافعي



السؤال الرابع: سبع حاجات دايماً بتقولهم؟؟


1:لا اله الا انت سبحانك اني كنت من الظالمين


2:الغاية لا تبرر الوسيلة


3: الدنيا جيفة فمن أراد منها شيئاً فليصبر على مخالطة الكلاب (مقولة لعلي بن ابي طالب)


4: أن الأنسان هو من يبني احترام الأخرين له


5: أن الصبر مفتاح الفرج ،وأن الإيمان أمان، نبتة صدق مع النفس


6: من جد وجد


7: قل لن يصيبنا الا ما كتب الله لنا

السؤال الخامس: سبع مشكلات في حياتك ممكن تحلهم بالفلوس؟؟؟


1: أبني ملجأ أيتام يكون أحسن من الملاجأ اللي زورنها


2: أبني مسجد يكون صدقة علي روح صديقتي الغالية


3: أسافر السعودية واعيش بمكه


4: أعمل مستشفي كبير لعلاج السرطان


5: أسفر كل الناس اللي نفسها تحج ومش قادرة


6:أسافر لأصحابي في فلسطين والأمارات وسوريا وأمريكا


7:أشتري عربية (لو فضل معايا شيء)

السؤال السادس: سبع أماكن بتحبها؟؟


1: كافتريا نقابة الفنانين التشكليين بالأوبرا


2: البورصة في وسط البلد عشان اتعرفت فيها علي احسن ناس بالدنيا


3: محطة مترو المعادي (كنت بستني فيها أجمل شخصية مرت بحياتي)


4: كورنيش النيل وكوبري قصر النيل


5: مكتبة مبارك


6: الأسماعيلية وموقف العاشر في القاهرة


7: الأقصر وأسوان



السؤال السابع: أشخاص بتحبهم غير بابا وماما وإخواتي؟؟


1:الرسول عليه الصلاة والسلام والصحابه


2: معاذ أبن اختي


3: كل اصحابي من المدونين اللي قابلتهم في حياتي


4:صديقتي اللي من بعد وفاتها مقدرتش ارسم تاني


5: مديري لانه علمني ازاي اكون مديرة ناحجة

6: الشيخ محمد حسان ومشاري راشد والحصري

7: صلاح جاهين وعمر خيرت و محمد منير

السؤال الثامن: مدونين بتحب تقرالهم؟؟

ناس كتييييييييير جدااااا اللي موجودين بالسيدبار


السؤال التاسع: تمرر الواجب لمين؟؟

أحمد الصباغ

أحمد عبد العدل

شفقة وأحسان

كيارا أو مولان

رومنسي

همس مفروسة ومتغاظة

وكفاية كده وتصبحوا علي خير

انتوا عارفين الشغل بقي (:

هناك 20 تعليقًا:

شفـقــة و إحســــان يقول...

مبروك على التاج عقبال ما يبقى بجد
بس حد قالك تعملى فينا المقلب ده
احنا عايزين تاج حقيقى مش فالصو

Dr.Mohammed Gohary يقول...

إجابات أكثر من رائعة

ربنا يديكي كوووووول اللي بتتمنيه

تحياتي

romansy يقول...

مبروك عليكى التاج اجاباتك عسوله زيك
بس معلش بقى
انا سبقتك وجاوبت التاج دا قبل كده

اعذرينى

Sumaya Rabie يقول...

ايه الجمال ده يا زهرة ..
إجاباتك مش رائعة بقى .. لأ عظيـمة
ربنا يقدرك وتحققي كل اللي انتي عايزاه ده
وأهم حاجة تجيبي عربية .. مش وحاشة بس والله المواصلات في مصر مأساة لأي بنت ..

ولد مصري يقول...

برغم الايجابات الظريفة لكن مافيش فايدة مصممة وراسك والف "شوز" بكعب إنك تنرفزينا

بقى من افضل سبع أماكن بتحبيهم موقف العاشر في القاهرة!! واضح فعلا إنك لازم تشتري عربية وبسرعة :)

خالص تحياتي

روابط يقول...

فى كل الأحوال, ربنا يوفقك لكل شئ نفسك فيه
تحياتى

princess يقول...

اجابات جامدة يا فلور:))

ghorBty يقول...

السلام عليكم ورحمة الله وبركاته

مبروك عليك يا زهرة الجنه

تستاهلي تاج جميل واجاباتك اجمل والله

ربنا يرزقك كل خير وكل ما تتمني لمست فيك قلب منير ونقي وملئ بالخير والحب للاخرين

ربنا يكرمك يا رب



غربتي

زهرة الجنة يقول...

شفقة واحسان

طيب ما انا اتعمل فيا المقلب برضه
هههههههه

خلاص ليكم عندي تاج ماس انتوا تأمروا

زهرة الجنة يقول...

محمد الجوهري
اشكرك علي التاج
واشكرك علي كلامك الرقيق
تحياتي ليك

زهرة الجنة يقول...

رومنسي
ولا يهمك المهم انك جاوبته
اشكرك علي رقة كلامك
تحياتي

زهرة الجنة يقول...

سمسمة
العظمة لله وحده
ربنا يحققلك كل امنياتك انتي كمان

هو صحيح المواصلات مشكلة لأي حد
لكن الحمدلله علي كل حال

تحياتي

زهرة الجنة يقول...

مصري

هو انا دايما منرفزاك كده
ماشي ماشي

هو اصلا لكل شيء سبب وسبب حبي لموقف العاشر موقف بتذكره هناك
واكيد هو موقف جميل
هي دي الحكاية مش اكتر

شكلك روحت الموقف ده كتيييييير

ادعيلي اشتري العربية الصغنونة

تحياتي وتقديري

زهرة الجنة يقول...

حازم سويلم

اشكرك بشده
وربنا يحققلك كل احلامك
تحياتي واحترامي

زهرة الجنة يقول...

برنسيس السريع
وحشتني بشده هههه
متشكره يا أميره القلوب

زهرة الجنة يقول...

غربتي
وعليكم السلام ورحمة الله وبركاته
ربنا يبارك فيك يارب
انار الله طريقك بالحب والخير
الحمدلله فالقلب النقي نعمة وفضل من ربنا

دمتي بحفظ الله ورعايته

كيكى عوووووو يقول...

ياواد انت يامثقف
ياخطر
يارب يحقق كل احلامك يارب
واهمها العريس**وش بيغمز**
لا لا وكمان تخلى ماما وبابا يحجوا وتبنى ملجأويسعدك
وفعلا انتى حد طيب
عووووووووووووووووووووو

زهرة الجنة يقول...

كيكي
تعرفي بجد مصدقتش انك انتي
بس في كلام كده ميطلعش الا منك (:
ربنا يحقلك كل احلامك يارب

Kiara يقول...

عاااااااااااااااااااااا

هو كل اما اروح مدونه عندها تاج الاقيها حدفالي التاج

لا مليس دحوه بقي عااااااااااااا

***********

اجابتك واضحه يازهره وبصراحه انتي لذيذه مووووت

والحاجات اللي نفسك تعمليها نفسي انا اعملها بس مش هسميه عمر :)

Unknown يقول...

هههههه
ينفع كده قاعد أقرا بتركيز واشرب التاج فى الاخر
أعتذر للتأخر فى المتابعة ومشكورة على التاج ... بإذن الله يكون البوست اللى جاى
بالنسبة للرسم .... ارسمى وابدئى تهديها لصديقتك