السبت، 21 مارس 2009

عدت ولكن ليس كما كنت...


تغيرت أنا كثيرا لم أعد تلك الإنسانة الهادئة المتسامحة...لم أعد تلك الإنسانة المتناغمة الباسمة..

لم أعد تلك الانسانة العاطفية الهامة.. غيرتني أعاصير الحياة ..غيرتني الرياح العاصفة..

غيرني جنون البشر وحقد البشر وطمع البشر غيرني اللاحب عند معظم البشر..

غيرتني الأنانية عند أكثر البشر.. غيرتني الأنا المتأججة في صدور كثير من الناس..

ولذلك لم أعد أنا هو أنا!! صرت مثل باقي البشر..

اللاحب يجتاحني.. الغل يتغلغل داخلي..

سوء الظن في الناس جميعا صار كالمارد أمام اعيني دائما الضعف والهشاشة يغلفاني..

أي يد عابثة دمرت نفسي المتسامحة.. أي أشخاص دنيئة هزموا روحي..

وارعشوا اعصابي.. وأثاروا حفيظتي وجعلوني هكذا.. لماذا لم اعد أنا..؟؟

حينما انظر المرآه لم أجد صورتي ولكني أري صورة انسانة أخري

وأري وجها آخر غير وجهي أنا ..ذلك الوجه الذي لازمني عمري كله..

الوجه الباسم.. الوجه الودود.... ولكني أري الآن الوجه المتحفز.

الوجه المقفهر.. الوجه الثأري.. نعم الثأر ممن غيروني وبدلوني

وجعلوني لست أنا..

أفكر دائما في الثأر ممن سلبوا راحتي واغتالوا استقراري..

الثأر ممن افتروا علي الضعفاء أمام اعيني.

آه يا لوعة قلبي علي نفسي التي تغيرت وعلي روحي

التي تبدلت وعلي ذاتي التي انهزمت..

اين أنا..؟ أين راحتي..؟ اين سلامي..؟ أين سماحتي..؟ أين حبي لكل البشر..؟

الحب لم يعد له وجود داخلي أرجوكم ابحثوا لي عنه..

ارجوكم ساعدوني لكي اتصالح مع نفسي..

اتوسل اليكم ان ترجعوا لي الأمان الذي افتقدته حتي من أقرب المقربين إليّ..

لتعيدوا لي نفسي المتناثرة خدوني بعيدا لأكلم ذاتي المتناثرة..

ووقتها اتوازن مع كياني كله وأعود لأكون أنا..

استحثكم ان تسرعوا وتعيدوني كما كنت.. فهل تستطيعون..؟!

الحياة.. تدفعني.. إلي اليمين.. وإلي اليسار

وإلي الأمام.. وإلي الخلف..

أنا.. لا أريد ان اصارع الحياة ولكني فقط أريد أن أحيا الحياة..!!

هناك 22 تعليقًا:

mahasen saber يقول...

مفروسه حبيبتى المفروض تجارب الحياه المره وناسها الامر والاصعب ونفوسهم الاوحش
تخلق جوانا حد صلب وقوى كفايه انه يتقبل اى صدمه بصدر رحب ويتغير للافضل طالما انه شايف ان كل شئ خير من عند المولى عز وجل

صح ولاا ايه يا قمر

كل عيد ام ومامتك بالف خير يا حبيبتى

غير معرف يقول...

حبيبتى طول ما احنا عايشين هنقابل كل اللى انتى قلتى عليه والشاطر اللى يستفيد من اى تجربة ويخرج منها قوى
انا عارفة ان كلامى ممكن يكون خيالى شوية بس صدقينى اى تجربة بنمر بيها وحتى لو أذتنا ودمرتنا بنتعلم منها كتير والشاطر اللى يبقى اقوى من بعدها
وزى ما بيتقال الضربة اللى ما تموتنيش تقوينى

اشوفك يا خير ان شاء الله

Unknown يقول...

ياسلام ( وش بيزعق)
عارفة انى اللى اتغير فعلاً عمره ما هيجى ثاير و خايف من التغير بالشكل ده .. لأنه بيبقى شايف نفسه طبيعى
انتِ خايفة لتكونى كده وده معناه انك لسه بتحملى الخير للناس
الحق والخير و الجمال .. دايماً لازم يصاحبه القوة والإرادة لنشر الحق
بحاول أتصور لو كل حد بيدعو للخير ويحمل رسالة نبيلة رفع راية اليأس .. فقط ستبقى الرايات السوداء تغطى العالم لا تتميز فيها راية الشر من راية الضعف
الضعف و الاستسلام جريمة أربأ بك عن ارتكابها والله وحده المستعان على أعداء الخير و الجمال على هذا الكوكب
دافعت عن الخير من أجل الله والان من أجل من سترفعين راية اللا إنسانية كما تدعين؟

عفواً لا أصدقك فالراية السوداء ليست لكِ ... فمن يعلم الناس الخير و الحب لا يتراجع ما دام قلبه نابضاً بالحياة .. أعرف أن ذلك لم يكن زائفاً
فى انتظار بوست تانى .. يرفع الراية من جديد .. راية تليق بصاحبة القلم الرفيع
دمتِ بكل الخير

Empress appy يقول...

محدش بيرجع لحد حاجه يا حبيبتى
فيه حاجه اسمها انا عندى عقل وفيه حاجه اسمها اقدر احدد وفيه حاجه اسمها اقدر اشوف انتى بس اللى تقدرى تعملى ده
وعمر ما بيكون انخداعك فى شخص اخر العالم
يا بنتى دا ياما دقت على الراس طبول

همس الاحباب يقول...

هى تلك سنة الحياة من حولنا
او بمعنى اوضح نحن من جعلنا الحياة هكذا
لذلك كونى واثقة من نفسك
وكونى قوية فى مواجهة الصعاب
ومش معنى اننا نخدع فى شخص او عدة اشخاص ده معناه النهاية
لا ولكن بداية لحياة جديدة تعلمنا من سابقتها ان نكون كما نحب ان نكون
اعتقد الموضوع صعب وخطير ولكن واثق من قدرتك على الوصول الى بر الامان
تحياتى وتقديرى

sakayar يقول...

السلام عليكم ورحمة الله وبركاته
أعتقد أختي زهرة إنك واقفة على الطريق الصح مش الخطأ
لو كنتي فعلاً تحولتي لكل الصفات اللي قلتيها مكنتيش هتطلبي الرجوع لسابق عهدك
وأظن إن اللي محتاجاه مش الرجوع ... حضرتك محتاجة تقييم علاقات
الحياة طاقة بنستغلها بدافع الحب علشان نعيش سعداء وف رضى من الله ... إذا الطاقة دي استغليناها ف شيء سلبي هنفقد الحب ده وهنفقد علاقتنا الجميلة بربنا ... متحاوليش تفكري ف اللي فقدتيه أو تقولي أنا مش عاوزة اكون كذا قولي أنا عاوزة اكون كذا ... شوفي الاسباب اللي بتخليكي تحسي بالشعور ده وابعدي عنها ... قيمي علاقاتك على غرار حبك لربنا ... فلانة دي او دي ينفع يكونوا جوه قلبي اللي جواه ربنا؟؟
وعن المعاملات أظن حضرتك مش محتاجة رأيي فيها لإني أظنك تعرفي تكسبي الناس كويس وتعرفي تحافظي على مشاعر الآخرين ... وإن حدث ف لحظة وكان فيه تحفز وشراسة - زي ما بتعتقدي - فهي مجرد رد فعل على موقف مش أكتر ... وإن شاء الله تبصي ف المراية تلاقيكي انتي مش حد تاني ... بس غمضي عيونك وانتي بتبصي
:)
دمتي بكل السعادة والحب

sakayar يقول...

السلام عليكم ورحمة الله وبركاته
آه أنا تاني بقى معلش
:)
كنت بلف كده ف حبة حاجات
ولقيت حاجة صوت كده افتكرت التدوينة بتاعة حضرتك
فقلت أجيب لحضرتك اللينك
بس مش لازم تعجب حضرتك يعني
ومش لازم أنضرب لو مش عجبت حضرتك
كفاية اللي بنضرب منهم
:)
http://www.alafasy.com/mp3.php?id=759&action=play
رب يكتبل لحضرتك السعادة دائماً وأبداً

غير معرف يقول...

الحياه تجارب وطول ما احنا عايشين بنقابل حاجات توجعنا بس مش لازم انها تغيرنا هي بس لازم تعلمنا
واوعى تقتلى حاجه حلوه جواكى

Beram ElMasry يقول...

اتمنى زيارتكم لمدونتى وابداء الراى فى الموضوع المطروح ، فلا تتاخروا ولا تبخلو ا بالمشاركة
هناك ضعاف بصر تعذبهم الالوان المقاربة فى الوان الحلغيات الداكنة والكتابة التيسير افضل

زهرة الجنة يقول...

عزيزتي محاسن
صح كلامك
بس نعمل ايه لو الناس دول حالوا يقتلوا فيكي كل شيء كويس بالرغم من انك بتعمليهم كويس جدا
اكيد بيخلونا ندم علي الوقت اللي ضيعناه معاهم

كل سنة وانت بخير وبصحة
ربنا يديم السعادة عليكي

زهرة الجنة يقول...

bos bos

اكيد بنتعلم منها كتير
بس بعدما يتكون الاشياء الكويسة في جوانا ادمرت تماما

البشر اللي جواهم شر بيحلوا يدمروا كل شيء حلو مهما كان

دمت بكل الخير والسعادة

زهرة الجنة يقول...

احمد

بتزعق ليه بس يادكتور

انت اكتر واحد تعرف ان الخير اللي بحمله للناس سببلي اكبر مشكلة في حياتي

جربت الراية البيضاء ومنفعتش يمكن السوداء تنفع
لما تكون ببتتعامل لله في كل حياتك وفي الأخر تتوصف بانك بتتكلف في تصرفاتك
اكيد ده بيخليك تفكر مليون مرة تكون وحش
طالما الحلو مش نافع مع البشر
يمكن المرة دي انفع


دكتور احمد
انت اكتر واحد يعرف اللي حصل وبالرغم من ده الا انك شايف اني افضل زي ما انا
طيب وبعدين؟؟؟

زهرة الجنة يقول...

Appy

ما انا تعبت من كتر الدق اللي علي راسي
طيب اعمل ايه بقي؟؟

مش هاشوفك بقي والا ايه؟؟

زهرة الجنة يقول...

ابو همس
انت فعلا قولتها
احنا اللي غيرنا الحياة
وغيرنا الأخلاق واتغيرنا معاها
العيب فينا احنا
الا من رحم ربي

خالص تحياتي

زهرة الجنة يقول...

sakayar

تصورت فعلا اني استغليت الطاقة دي في مكانها الصحيح
لما بتكون بتتعامل لربنا مش عشان مصلحة والناس يظنوا الشر فيك
ده بيالم اوي
الغريبة ان البشر سوء الظن عندهم هو اول شيء دايما بيظنوا الشر قبل الخير

اتمني فعلا اني لما ابص اللاقيني

دمت بكل الخير والسعادة

زهرة الجنة يقول...

sakayar

وعليكم السلام ورحمة لله وبركاته

يافندم بتنورني دايما
ربنا يحفظك

شوفت اللينك
واعرف الانشودة كويس
مفيش ضرب ولا شيء انا بحب الانشودة دي
ربنا يعز حضرتك ويحفظك

زهرة الجنة يقول...

أسامة

انا مش بحاول اقتلها بس في اللي بيحولوا يقتلوا كل شيء جميل عند البشر
مهمتم الوحيدة انهم يخلوك تعاني
بالرغم من انك بتمدهم بالخير
اكيد ده بيوجع اوي اكتر من اي شيء


خالص تحياتي

hasona يقول...

السلام عليكم

فيه ايه

المدونة ظهرت فيها موضوع جديد وشوية وحصل حاجة
مش عارف أفسرها

بس بأحاول

simply me يقول...

فعلا الدنيا بتغيرنا كتير

وللاسف دايما بيكون للاسوأ

بس الرسول عليه الصلاة والسلام قال" القابض على دينه كالقابض على الجمر"

ربنا يثبتنا على الخير

mohamed ghalia يقول...

لا بالطريقة دى يبقى صراح
بجد ربنا يكرمك ويسعدك وترجعى زى الأول

قلب ينبض بالحب يقول...

الي جواه خير وحب ليه هتنيه جواه بس انتي عافري شوية في الحياة دي

barbie girl يقول...

أى تجارب بنمر بيها لازم تأثر عليها وحتى لو تركت فينا أثر سلبى لفترة بنعتقد اننا هنفضل كدا على طول لكن لازم الظروف تتغير ونرجع لحالتنا الطبيعية ولصورتنا الحقيقية فى المراه