الخميس، 3 يونيو 2010

عدت يا يوم مولدي




كان يوم مرهق للغاية بالنسبة لي حاولت ان اهرب من الشعور بالارهاق فكرت بالقراءة تذكرت  قصيدة لكامل الشناوي أعشقها للغاية ودائما اقرأها في يوم مولدي

عدت يا يوم مولدي **عدت يا أيها الشقي

الصبا ضاع من يدي **وغزا الشيب مفرقي

ليت يا يوم مولدي ** كنت يوما بلا غد

توقفت عن القراءة وتذكرت انه لم يبقي علي يوم مولدي الا وقت قليل ...ساعات قليلة وستبدأ سنة جديدة في عمري .. ستة وعشرون عاما مروا من عمري فماذا فعلت فيهم؟؟؟

تذكرت ايام طفولتي ولكم تمنيت وقتها أن أكبر.. فقدت كنت ضعيفة صغيرة فتمنيت ان اصبح أمرأه ..ولكني الأن أتمني أن أعود الي تلك الطفلة ..الي أفكارها .. الي مخيلاتها ..الي التأملات الي التساؤلات.. تمنيت ان العب مع الاطفال .. اركض.. اصرخ ..انام
كم أتمني ان أعود الي تلك العفوية في التعامل في الحب والكراهية .. كم تمنيت ان أحمل تلك المسئولية التي يتحملها الكبار.. واليوم أحن الي طفولتي ...الي تلك الفتاه الصغيرة .. الي كل شيء كان فيها .. وكلي شوق ليضمني ويقبلني كل من كان يضمني ويقبلني في صغري..
وتذكرت جدي رحمه الله ..فقد تعلمت منه الكثير والكثير .. وكان فى أيامه الأخيرة، يتلو القران بصوت مرتفع  وانا اجلس أمامه ، وأتعجب، فى تلك السن الصغيرة، من حرص عجوز مثله على ضمان حفظه الجيد للقرآن حتى النفس الأخير.
كنت أغضب بشده عندما كنت أساله أسئلة لا أجد عنده لها إجابة أكثر من «حكمة ربنا كده».
دائما كنت اساله عن الموت .. وما الحكمة من موت بعض من أقاربنا وهو في سن صغير كان يقول نفس أجابته المعهوده " إنها حكمة  ربنا"
كان جدى مثل كل هم في زمانه  يسير بطريقة «كأنك تعيش ابدا .. وكأنك تموت غداً »، لكنه قال لى ذات مرة إذا كان متوسط عمر الإنسان بين٦٠ و 70 عاماً، فإن النصف الأول يمر بقدر من التروى، ليمنحك فرصة التجربة والخطأ، فيما ينفرط النصف الثانى لاهثاً حتى تظن أن حياتك كانت حلم ليلة واحدة.
اليوم بدأت عامي السابع والعشرين و أنا أتذكر  نصيحة جدى: «أصحاب السيرة الحسنة لا يموتون»
.. اللهم اعطنى القدرة حتى لا أموت!

هناك 11 تعليقًا:

فاتيما يقول...

كل سنة و انتى طيبة يا مروة

طب يوم ايه و انا احطلك لينك عندى لأعياد ميلاد الحبايب

انتى جوازائية ؟!!!

يا خرااااشى

تصورى .. ولا يبان عليكى يا بنتى

كل سنة و انتى طيبة يا حبيبتى

يا مراكبي يقول...

كل سنة وانتي طيبة وان شاء الله ربنا يبارك في عمرك ويوفقك دايما للخير

غير معرف يقول...

على فكرة مود الكئابة المصتنعة دي بتقرف الرجالة0000

زهرة الجنة يقول...

فاتيما
وانتي طيبة ياقمر
يوم 4 :)

اها انا جوزائيه

شكلهم طلعوا وحشين جداااااااااااا
:)

وانتي أجمل واطيب فاتيما

زهرة الجنة يقول...

باشمهندس أحمد

وانت طيب وبخير

وعيد زواج سعيد ليك انت كمان
:)

ربنا يرزقك ديما بالخير

زهرة الجنة يقول...

غير معروف

شكرا لحضرتك علي النصيحة اللي انا مش محتجاها

وعلي فكرة كلمة مصطنعه بتتكتب بالطاء
مش بالتاء

شكرا ليك مرة تانيه

غير معرف يقول...

على فكرة الخطأ مقصود .......؟

غير معرف يقول...

على فكرة الخطأ مقصود.......؟

زهرة الجنة يقول...

غير معروف

هو انا اعرف حضرتك؟؟؟
اعتقد كده

فلو ده صحيح ياريت تدخل باسمك
انا بتقبل كل التعليقات
وشكرا علي اهتمامك بالرد

أبو عمر يقول...

عم غير معرف
انت شكلك قرفان أصلا من كل حاجة
التدوينة لطيفة و بتعكس حالة للكاتبة ، و نصيحة لما واحدة بنت أو ست تعمل حاجة ما تعجبكش تكون جنتل أوى معاها و انت بتوجهها ، و إلا الستات اللى حوليك حيتقرفوا منك لأنهم مش بيحبوا الراجل الفظ

زهرة الجنة يقول...

أبوعمر
شكرا لرد حضرتك
حزاك الله كل خير