السبت، 11 أكتوبر 2008

يوم رائع للغاية ومن غير اي فرسة ....

تحديث هام
نظرا لان النت فصل عندي في البيت من فترة وبقي الحال علي ما هو عليه حتي الأن
وده شيء طبعا يدعو للفرسة
هدخل في مرحلة بيات شتوي لغاية ما يرجع النت
يعني بالعربي هتستريحوا مني الفترة دي لغاية ما النت يرجع
ويارب النت يرجع بسرعة
استنوني قريبا
**************************************
وصلتني دعوة علي الفيس بووك لحضور مناقشة كتاب ما تيجي ننجح للرائع مصطفي فتحي

تصورت ان الكتاب عن التنمية البشرية البحته وأفتكرت اني متعقدة من التنمية البشرية بسبب دكتور فرسني أيام الجامعة هههه

لكن بجد الكتاب رائع للغاية ولما بدأت قرأته مقدرتش أسيبه اللي لما اخلصه كله

الكتاب في دفعه قوية للنجاح وفيه نماذج شبابية ناجحة جداااااااا وبالرغم من أن الكتاب صغير جدا (ودي أحدي مميزاته) عشان محدش يقول الكتاب كبير مش هالحق أقرأه الا انه مكتوب بطريقة شيقه جداااااااا ورائعة للغاية

أما عن مؤلف الكتاب مصطفي فتحي فهو انسان رائع للغاية ونموذج ناجح لشاب مصري وأتمني له النجاح الدائم

واقوله بجد انبسط جدا للتعرف عليك ومتشكرة جدا علي توقيعك للكتاب وهننتظر الكتاب التاني ليك بفارغ الصبر


أما عن الحضور فالكل اشاد بروعه الكتاب والكل استفاد منه

ناس كتير جدا حضرت

من مجلة كلمتنا شيماء وحنان ومروة و جهاد صلاح اللي سعدت بمعرفتهم

وصحفيين من روز يوسف

أما عن المدونين اللي حضروا فطبعا خالو أحمد الصباغ ... كنت رائع جدا يا أحمد والله ابدعت يا خالو

رامز اللي حضر مخصوص من المحلة

محمد الكومي وابن حجر العسقلاني ...سعدت جدا بالتعرف عليهم

وزة وخيخة ...أنبسط اني شوفتكم وياريت كنت حضرتوا معانا كنتو هتنبسطوا جدا

وحضر اللي بيفجأني دايما محمد الغزالي واللي كعادة حضر في هدوء وانسحب في هدوء ( وطبعا كالعادة مش هقدر احط صورته )

ولازم اوجه شكر خاص للأستاذ كريم الشاذلي القائم علي دار أجيال للنشر


اليوم كان رائع جداااااااا

والكتاب مفيد وغاية الروعة

مليووون مبروك لمصطفي وأتمني لك النجاح دائما أبدا

شوفوا بقي الصور

غلاف الكتاب



مصطفي وخالو أحمد


كريم الشاذلي ومصطفي ونظارة خالو أحمد (:

باقي الصور في الألبوم علي الفيس بووك

http://www.facebook.com/album.php?aid=39560&id=840423216&ref=share

وكمان كان في فيديو لابداع خالو احمد الصباغ ومناقشة مصطفي عن الكتاب

لكن للأسف طار من الموبيل قبل ما أنزله

الله يسامح اللي كان السبب يلا بقي سلام ومن غير فرسة

هناك 28 تعليقًا:

mohamed ghalia يقول...

والله الأستاذ مصطفى فتحى دائم الأبداع ربنا يزيده يارب.
والحمد لله انك استمتعتى باليوم ده
تقبلى تحياتى

romansy يقول...

حلو قوى الكتاب دا والحلى انه من ايدك ومن غير فرسه

princess يقول...

ببسط اوى لما القى يوم عدى عليكى من غير فرسة هههههه
هشوف الكتاب
تحياتى

مصطفى فتحي يقول...

لما قريت اللي انت كتبتيه عن الكتاب وشوفت الصور

عيني دمعت

يا رب اكون عند حسن ظنك ويا رب استحق الكلام الرائع اللي انت كاتباه

مروة مش عارف اقولك ايه

متشكر قوي
قوي
قوي
قوي
قوي
قوي
قوي
قوي
قوي
قوي
قوي
قوي

كـــيــــــــارا يقول...

انا بحب نوعيهالكتب دي

ووصفك ليه رائع

شفـقــة و إحســــان يقول...

مبروك بجد لمصطفى وبشكرك على تقديمك للكتاب ولصاحبه
تحياتنا

همس يقول...

ايه دا بتلفى من ورايا

دانا هخنقك

ماشى ابقى احتفظى بالكتاب علشان حدانا فى الكفر مش هلقيه

سلام يا قمر

غير معرف يقول...

طالما ان مصطفى دخل وقالك الكلام الجميل ده يبقى اكيد كلام جميل ..مع انى عارف ان مصطفى مبينساش يشكر حد على حاجة ..
وفعلا كان اليوم جميل والمناقشة لذيذة جدا وربنا يوفقك يا مصطفى يا حبيبى
وشكرا يا مروة على كتابتك الموضوع الجميل ده ..
بس انتى افتكرتى كل الناس ونستينى !!
فــريــد

ahmed_k يقول...

إزيك يا مروه عبد الفتاح
وعلى فكره الصور مش موجوده على الفيس بوك
شكلكوا ناويين تفرسوني إنهاردا
يعني انتم تخفوا وتعيوني انا هههههه
طبعامبروك لمصطفي
بس انا ما كنتش أعرف , وحدش قاللي
أنا لو اعرف كنت جيت علطول

مبروووووووك يا درش

زهرة الجنة يقول...

أستاذ محمد
متشكرة لمرورك
وربنا يوفقك انت كمان

زهرة الجنة يقول...

رومنسي
متشكرة لذوقك والكتاب فعلا حلو جدا
أتمني تقرأه
وانا مبسوطة لأن اليوم مر من غير فرسة
بس استني فرستي قريب
هههه

زهرة الجنة يقول...

برنسيس
ازيك يا قمر
اتمني الكتاب يعجبك
وبعدبن قوليلي هي فرستي مش بتعجبك والا ايه
نورتي يا قمر

زهرة الجنة يقول...

الرائع مصطفي فتحي

ده حقك ومش مجاملة علي الأطلاق
وصدقني لو كان الكتاب مش حلو مكنتش هتلاقي كم التهاني اللي وصلك
ربنا يوفقك ويكرمك دايما
وانا اللي متشكرة قوي قوي علي معرفتي بيك
وهجيب هدية كبير جدا لأحمد الصباغ عشان هو السبب في المعرفة دي

تحياتي ليك واتمني لك التوفيق والسعادة

زهرة الجنة يقول...

كيارا

اتمني فعلا الكتاب يعجبك
وكنت اتمني تكوني معانا
تحياتي ليكي

زهرة الجنة يقول...

شفقة هانم واحسان بك
تحياتي لكم علي مروركم الدائم
وكنت اتمني تكونوا معانا

زهرة الجنة يقول...

هموسة المفروسة
والله وحشتيني
مش بلف ولا حاجة بس انا عارفة رايك
هتقوليلي بابا مش هيوافق صح؟؟
هههههه
علي العموم يا قمر هجيب لك نسخة من الكتاب وهحتفظلك بيها
ولو عاوزة اجيبه لك واجي هعملها
انتي عرفاني هههههه

زهرة الجنة يقول...

فريد
بجد انبسطت جدا انك قدرت توصل لهنا
فكرتك هتنسي او تتوه ههههه
وسعيدة جدا اني اتعرفت عليك وقتها
وكان نفسي اكمل معاكم بعد مناقشة الكتاب لكن انت عارف بقي السبب
وبعدين طبعا مش اقدر انساك (:

ان شاء الله نجتمع كلنا تاني قريب

زهرة الجنة يقول...

احمد
الف سلامة عليك
مين ده اللي تعبك؟؟
أكيد احمد الصباع مش انا ههه

الصور موجودة وانا جربت الرابط تاني
حاول مرة تانية

ان شاء الله تكون موجود معانا المرة اللي جاية

إيمان قنديل يقول...

رغم إني ماقريتش الكتاب إلا إني مع كل مادة تكتب عن التفاؤل والإجتهاد والنجاح

إيمان قنديل يقول...

ويارترى زهرة الجنه دموعها نازله كده ليه؟

همس الاحباب يقول...

الف مبروك لمصطفى
وتغطية جميلة ومشوقة من حضرتك
وربنا يكفيكى الفرسة يا ستى
تحياتى وتقديرى

مهندس مصري بيحب مصر يقول...

الله
انا كنت معلق هنا التعليق راح فين ؟

إحنا فين من اكل تعليقات من اولها
:)

زهرة الجنة يقول...

كباريه
نورتيني ولتمني تقرئي الكتاب هيعجبك جدااا

زهرة الجنة يقول...

همس الأحباب
بتنورني دايما بتعليقك
وبيسعدني مرورك
تحياتي ليك

زهرة الجنة يقول...

مهندس مصري
شكلك نساي والله
ده أصلا اول تعليق
مبسوطة بمرورك

غير معرف يقول...

مدونة جميلة وموضوعات رائعة جزاكى الله خيراً

غير معرف يقول...

اخى الفاضل .... ا ختى العزيزة

وقفتنا الاحتجاجية تؤتى ثمارها

قام الزميل / خالد الصاوى بقيادة وقفتنا الاحتجاجية

*************** ( معا ضد الفساد ) ****************

يمكنكم التواصل معنا للمزيد .......

شكرا لكم دعمنا الدائم وفى انتظاركم ان شاء الله

زهرة الجنة يقول...

الحب كما ينبغي ان يكون
أسعدني مرورك
جزيت خيرا مني